28 February 2021
O Consello da Cultura Galega, en colaboración co Movimento Festlatino, organiza o encontro “As linguas e culturas peninsulares e a súa proxección internacional” que terá lugar o martes, 3 de abril de 2012, na sede do Consello da Cultura Galega en Santiago de Compostela.

As linguas e culturas peninsulares e a súa proxección internacional

O Consello da Cultura Galega ten como encomenda estatutaria a defensa e promoción dos valores culturais do pobo galego. Nos últimos anos véñense desenvolvendo encontros e convenios con distintas institucións públicas e entidades culturais con vistas a contribuír ao diálogo da cultura galega con outras culturas e á súa proxección no exterior. Nesta liña de traballo o Consello da Cultura Galega organiza en colaboración co Movimento Festlatino o seminario “As linguas e culturas peninsulares e a súa proxección internacional” que terá lugar o martes, 3 de abril de 2012 na sede do Consello da Cultura Galega en Santiago de Compostela. Nel participarán representantes de institucións das distintas culturas da península ibérica vinculadas á súa proxección exterior e á promoción do diálogo intercultural (Instituto Ramón Llull, Instituto Camões, Instituto Cervantes, o propio Festlatino), xunto a persoas de recoñecido prestixio no ámbito cultural e universitario galego.

O encontro está coordinado por Henrique Monteagudo (Consello da Cultura Galega) e Humberto França (Movimento Festlatino).

Ver programa

O Movimento Festlatino

O Festlatino é nun movemento cultural, literario e educacional que ten como obxectivo fomentar o diálogo cultural entre os países e zonas de linguas e culturas neolatinas de Europa, África, Américas e Asia. Anualmente celebra un congreso no Recife e seminarios preparatorios en varios países de linguas neolatinas que reúnen persoas relevantes do ámbito da escrita, filoloxía, profesorado, arte, estudantado, diplomacia, xornalismo, xestión e liderado cultural e político e promoción cultural.

O Movimento Festlatino ten como presidente de honra ao Dr. Mário Soares, ex-Presidente da República Portuguesa, e está dirixido por un consello formado por vinte e seis personalidades do mundo da cultura e linguas de doce países. O seu coordinador xeral é Humberto França.

Pode atopar información sobre o festlatino no blog Movimento Festlatino

 

PERSONALIDADES HOMENAGEADAS SEMINÁRIO FESTLATINO SANTIAGO DE CAMPOSTELA – GALÍCIA – 3 DE ABRIL DE 2012

Diplomas de Personalidade da Neolatinidade

Exmo. Senhor Dr. Anxo Lorenzo Suárez

Exmo. Sr. Dr. Valentín García Gómez,

Exma. Sra. Profª Drª. Margarita Ledo Andión

Exmo. Senhor Manuel Bragado

Exmo. Senhor Professor Dr.  Luís González Tosar

Exma. Sra. Profa. Dra. Rosario Álvarez Blanco

Exmo. Sr, Prof. Dr. Elias Torres Feijoo

Exmo. Sr. Carlos Núñez

Exma. Sra. Uxia Senile

Medalha do Movimento Festlatino

Exmo. Sr. Dr. Ramon Villares Paz

Exmo. Sr. Dr. Henrique Monteagudo

Também poderá gostar

Sem comentários